I. ຄວາມໝາຍຂອງການຈອດໂລຫະ
ເປັນການຢຶດ ຫຼື ຈອດເຊື່ອມປະສານວັດສະດຸ
2 ຊະນິດ ຫຼື ຫຼາຍກວ່ານັ້ນໃຫ້ເປັນຕ່ອນງານດຽວກັນ ໂດຍເອີ້ນຂະບວນການນີ້ວ່າ: WELDING PROCESSES.
ການຈອດໂລຫະເປັນການເຮັດໃຫ້ໂລຫະຫຼອມລະລາຍເຂົ້າກັນ
ໂດຍໃຊ້ຄວາມຮ້ອນ, ການຈອດມີຫຼາຍວິທີ ເຊິ່ງແຕກຕ່າງກັນຢູ່ບ່ອນວ່າ ການເກີດຄວາມຮ້ອນ ແລະ
ວິທີການໃຫ້ຄວາມຮ້ອນແກ່ຕ່ອນງານ. ໂລຫະຫຼາຍຊະນິດສາມາດຈອດຕິດກັນໄດ້
ໂດຍໃຊ້ຄວາມຮ້ອນພຽງຢ່າງດຽວ ເອີ້ນວ່າ:
ການຈອດແບບຫຼອມລະລາຍໂດຍບໍ່ຈຳເປັນຕ້ອງເຕີມວັດສະດຸເຊື່ອມປະສານ ຫຼື ທຸບຈອດກໍ່ໄດ້.
II.
ປະຫວັດຄວາມເປັນມາຂອງການຈອດໂລຫະ
ການຈອດເປັນຂະບວນການທີ່ໃຊ້ສຳລັບຕໍ່ວັດສະດຸ
ສ່ວນໃຫຍ່ເປັນໂລຫະ ແລະ ພລາສຕິກ ໂດຍການເຮັດໃຫ້ຕ່ອນງານຮ່ວມຕົວນຳກັນ,
ປົກກະຕິຈະໃຊ້ວິທີເຮັດໃຫ້ຕ່ອນງານຫຼອມລະລາຍ ຫຼື
ການເພີ່ມເນື້ອໂລຫະເຕີມລົງໄປໃນບໍຫຼອມລະລາຍຂອງວັດສະດຸທີ່ຫຼອມແຫຼວ ເມື່ອເຢັນຕົວລົງ
ຮອຍຕໍ່ຈະມີຄວາມແຂງແຮງ, ບາງຄັ້ງໃຊ້ແຮງດັນຮ່ວມກັບຄວາມຮ້ອນ ຫຼື
ຄວາມຮ້ອນພຽງຢ່າງດຽວເພື່ອໃຫ້ເກີດຮອຍຈອດ ເຊິ່ງກົງກັນຂ້າມກັບການບັດກີອ່ອນ ແລະ
ການບັດກີແຂງ ເຊິ່ງບໍ່ມີການຫຼອມລະລາຍຂອງຕ່ອນງານ
ມີແຫຼ່ງພະລັງງານຫຼາຍຢ່າງສຳລັບນຳມາໃຊ້ໃນການຈອດເຊັ່ນ: ການໃຊ້ຄວາມຮ້ອນຈາກແປວແກ໊ສ,
ການອາຣ໌ກ (ARC WELDING) ໂດຍໃຊ້ກະແສໄຟຟ້າ,
ລຳແສງເລເຊີ້, ການໃຊ້ອີເລັກໂຕລອນບີມ, ການສຽດສີ ແລະ ການໃຊ້ຄື້ນສຽງ ເປັນຕົ້ນ.
ໃນຍຸກສະໄໝເລີ່ມຕົ້ນ ຈົນເຖິງສະຕະວັດທີ XIX ຄົນເຮົາຮູ້ຈັກ ແລະ
ມີການໃຊ້ງານສະເພາະການຈອດແບບທູບ (Forge
Welding) ເພື່ອໃຊ້ໃນການຈອດຕໍ່ໂລຫະເຊັ່ນ:
ຕີເຮັດມີດ, ດາບ, ງ້າວ...ໂດຍໃຊ້ວິທີການຕີເຫຼັກທີ່ຮ້ອນໃຫ້ຈອດຕິດກັນ ການຈອດແບບນີ້
ຕ່ອນງານຈອດທີ່ໄດ້ຮັບແມ່ນມີຄວາມແຂງແຮງສູງ ແລະ
ໂຄງສ້າງຂອງເຫຼັກທີ່ໄດ້ມີຄຸນນະພາບຢູ່ໃນລະດັບສູງ
ແຕ່ການຈອດແບບດັ່ງກ່າວນັ້ນແມ່ນມີຄວາມຊັກຊ້າ ເມື່ອນຳມາໃຊ້ໃນງານລັກສະນະທາງອຸດສາຫະກຳ.
III.
ຂໍ້ດີຂອງການຈອດໂລຫະ
·
ເປັນຂະບວນການທີ່ມີຄວາມສຳຄັນທາງດ້ານເຕັກໂນໂລຊີ
ແລະ ດ້ານການຄ້າ
·
ເປັນການເຮັດໃຫ້ວັດສະດຸຍຶດຕິດກັນເປັນອັນດຽວຢ່າງຖາວອນ
·
ຮອຍຈອດມີຄວາມແຂງແຮງຫຼາຍກວ່າວັດສະດຸທີ່ນຳມາຈອດ
·
ເປັນທາງເລືອກໜຶ່ງໃນການຕໍ່ຕ່ອນງານເຂົ້າກັນທີ່ມີຕົ້ນທືນຕໍ່າ
·
ການຈອດບໍ່ໄດ້ຈຳກັດຢູ່ພາຍໃນສະຖານທີ່ເທົ່ານັ້ນ
ແຕ່ມັນສາມາດເຮັດໃນພາກສະໜາມໄດ້ເຊັ່ນດຽວກັນ
